Plástica na montaña

Levamos dúas clases preparando o noso Halloween-Samaín para o 7 de novembro, e iso esixe estar botar unha man, ou as dúas, coa decoración do cole e preparar algún recipiente para o "Truco ou trato". Que vos parece o resultado? Terrorífico? Para non pegar ollo?

Fixemos una pequena paréntese no noso proxecto de Ángeles Alvariño porque se achega o Magosto e o Halloween e toca contribuir á decoración do cole, empezamos polo relacionado co outono e decidimos dar renda solta á nosa imaxinación creando animais coas follas... adiviñades que son?

Empezamos un pequeno proxecto que non podemos desvelar por completo pero polo momento amosamos o traballo realizado sobre a protagonista central de todo o que nos queda por facer: Ángeles Alvariño, unha oceanógrafa galega coa que nos introducimos no mundo do Pop Art, coñecimos a Andy Warhol, traballamos co buscador de imaxes e co PowerPoint para obter estes preciosos traballos.

Aínda que cambiamos a tres dos integrantes da clase continuamos co noso blog. Este curso iniciámolo aprendendo un pouco de papiroflexia con barcos de papel nos que pretendemos recoller a equipaxe que levan as persoas que migran deixando atrás a súa vida e á súa familia, imaxinamos sentimentos de esperanza, ilusión, pero tamén de morriña da súa terra e da súa xente, medos, etc. Así nos quedaron...